റോള്‍പ്ലേ മല്‍സരം

NCERT യുടെ നേതൃത്വത്തില്‍ വര്‍ഷം തോറും ഹൈസ്ക്കൂള്‍ വിദ്യാര്‍ത്ഥികള്‍ക്കായി നടത്തിവരാറുള്ള റോള്‍പ്ലേ മല്‍സരം 29.09.16 നു ഡയറ്റില്‍ വെച്ചു നടന്നു. വടകര വിദ്യാഭ്യാസ ജില്ലാ തല മല്‍സരത്തില്‍ 9 ഹൈസ്ക്കൂളുകളിലെ ഒമ്പതാം ക്ലാസ്സ് വിദ്യാര്‍ത്ഥികളാണു പങ്കെടുത്തത്.

പരിപാടി ഡയറ്റ് പ്രിന്‍സിപ്പാള്‍ ശ്രീ കെ പ്രഭാകരന്‍ ഉദ്ഘാടനം ചെയ്തു. ഡയറ്റ് സീനിയര്‍ ലക്‌ചറര്‍ ശ്രീ കെ രാധാകൃഷ്ണന്‍ അധ്യക്ഷത വഹിച്ചു രാവിലെ 10.30 നു തുടങ്ങിയ മല്‍സരപരിപാടികള്‍ ഉച്ചയോട് കൂടി അവസാനിച്ചു. ജി എച്ച്എസ്എസ് കുറ്റ്യാടിയിലെ കുട്ടികള്‍ അവതരിപ്പിച്ച റോള്‍പ്ലേക്കാണ് ഒന്നാം സ്ഥാനം ലഭിച്ചത്. വളയം ഗവണ്‍മെന്റ് ഹയര്‍സെക്കന്ററി സ്ക്കൂള്‍, മടപ്പള്ളി ഗവണ്‍മെന്റ് ഹയര്‍സെക്കന്ററി സ്ക്കൂള്‍ എന്നിവര്‍ രണ്ടും മൂന്നും സ്ഥാനങ്ങള്‍ കരസ്ഥമാക്കി.